Клиенттік этика кодексі

1. Жалпы ережелер

1.1. Осы Кодекс «Viled Fashion» (Вилед Фешн) ЖШС-нің (бұдан әрі – Компания) бутиктерінде/ бөлімдерінде және онлайн алаңдарында клиенттерге қызмет көрсету кезінде құрметті, қауіпсіз және достық атмосферасын қалыптастыру мақсатында әзірленді.

1.2. Компания әрбір сатып алушысын қадірлейді және жоғары деңгейдегі сервисті, кәсібилікті және жайлылықты қамтамасыз етуге ұмтылады.

1.3. Компания нағыз қызмет көрсету мәдениеті сатып алушылар (клиенттер) мен қызметкерлердің (жұмысшылардың) өзара құрметі негізінде ғана мүмкін екендігіне сенеді.

2. Өзара әрекеттесу қағидаттары

2.1. Сатып алушы мен бутиктің/бөлімнің қызметкері арасындағы қарым-қатынас сыпайылық, әдептілік және құрмет қағидаттарына негізделеді.

2.2. Компания қызметкерлері клиенттерге «Сіз» деп ресми түрде жүгінуге, қызмет көрсету стандарттарын сақтауға және ықылас танытуға міндетті.

2.3. Клиенттер өз кезегінде қызметкерлерге, олардың еңбегіне және жұмыс орнына құрмет көрсетіп, төмендегідей әрекеттерден бас тартуы тиіс:

2.3.1. Дөрекі сөздер мен балағат тіл қолданудан;

2.3.2. Қызметкерлерге менсінбеушілік танытатын немесе қорлайтын түрде «сен» деп жүгінуден;

2.3.3. Адам қадір-қасиетін қорлайтын әрекеттерден (соның ішінде ақша, чек немесе құжаттарды кассаға немесе қызметкерге лақтырудан);

2.3.4. Көрсетпелі менсінбеушілік, мысқыл немесе басқа да құрметсіздік нышандарынан.

3. Мінез-құлықтың жол берілмейтін түрлері

3.1. Бутик/бөлім аумағында және қашықтан қызмет көрсету кезінде келесілерге қатаң тыйым салынады:

3.1.1. Қызметкерлерге немесе басқа клиенттерге бағытталған қорлау, қорқыту немесе кемсітуші сөздер айтуға;

3.1.2. Агрессивті мінез-құлыққа, дауыс көтеруге және жанжал тудыруға;

3.1.3. Ақшаны, чектерді, банктік карталарды немесе құжаттарды кассирге немесе үстелге лақтыруға – мұндай әрекет адам қадір-қасиетін қорлайтын және құрметсіздік деп саналады.

3.2. Касса, сауда залы және call-орталық – бұл Компания қызметкерлерінің жұмыс орны, онда адамдар клиенттерге жайлылық пен жоғары деңгейдегі қызмет көрсету арқылы еңбектеніп, табыс табады.

Қызметкерлерге құрметпен қарау – мәдениеттіліктің және тәрбиеліліктің көрсеткіші, сондай-ақ өркениетті қарым-қатынастың белгісі.

3.3. Қайталанған немесе өрескел бұзушылықтар болған жағдайда Компания қызметкерлері қызмет көрсетуді тоқтатуға және клиенттен бутикті/бөлімді тастап шығуын сұрауға құқылы.

Қажет болған жағдайда оқиға фактісі тіркеліп, күзет қызметіне немесе уәкілетті органдарға беріледі.

4. Компанияның міндеттері

4.1. Компания өз клиенттеріне сыпайы, кәсіби және дұрыс қызмет көрсетуге кепілдік береді.

4.2. Барлық қызметкерлер клиенттерге қызмет көрсету және этика стандарттары бойынша тұрақты түрде оқудан өтеді.

4.3. Компания клиенттердің өтініштерін объективті және құпия түрде қарап, кез келген түсінбеушілікті әділ шешуге міндеттенеді.

5. Қызметкерлердің жауапкершілігі мен қорғалуы

5.1. Компания қорлайтын, кемсітетін немесе агрессивті мінез-құлық танытқан адамдарға қызмет көрсетуден бас тарту құқығын өзінде қалдырады.

5.2. Компанияның бутиктері/бөлімдері мен ортақ залдарында бейнебақылау және қажет болған жағдайда дыбыс жазу жүйелері орнатылған. Бейнежазба тек қауіпсіздікті қамтамасыз ету, құқықбұзушылықтардың алдын алу, қызмет көрсету сапасын бақылау және Компанияның, оның қызметкерлері мен клиенттерінің заңды құқықтары мен мүдделерін қорғау мақсатында жүргізіледі.

Компания келушілердің жеке деректерін (соның ішінде бейнесін, дауысын, сатып алу немесе өтініш кезінде берілген байланыс деректерін) тек келесі мақсаттарда және қажетті көлемде ғана жинауға және өңдеуге құқылы: сату және қызмет көрсету шарттарын орындау; тауар есебі мен қайтару; өтініштерді өңдеу; қызмет сапасын арттыру және даулы жағдайларды реттеу.

Жеке деректерді өңдеу Қазақстан Республикасының «Жеке деректер және оларды қорғау туралы» Заңына сәйкес, құпиялылық пен шектеулі қолжетімділік режимін сақтай отырып жүзеге асырылады.

Келушінің бутик/бөлім аумағында болуы, сондай-ақ жеке деректерді беруі (сатып алу, айырбастау, онлайн тапсырыс беру және т.б. кезінде) оның бейнебақылаудың және жеке деректерді өңдеудің көрсетілген шарттарымен танысқанын және келіскенін білдіреді. 

Бейнежазбалар және басқа да жеке деректер, Қазақстан Республикасының заңнамасында тікелей көзделген жағдайларды қоспағанда, үшінші тұлғаларға немесе сатып алушылардың (клиенттердің) өздеріне берілмейді. 

5.3. Барлық клиенттердің өтініштері, шағымдары мен пікірлері конструктивті түрде қабылданып, белгіленген тәртіппен қаралады. 

6. Қорытынды ережелер

6.1. Клиент Компанияның бутиктеріне/бөлімдеріне және веб-сайттарына кіру және/немесе бутикте/бөлімде немесе веб-сайтта сатып алуды жүзеге асыруды жүзеге асыру арқылы осы Кодекстің шарттарымен танысқанын және келісетінін растайды. 

6.2. Кодекс Компанияның ресми сайтында жарияланады және клиенттер мен қызметкерлер арасындағы мінез-құлық пен этикалық өзара іс-қимыл ережелерін айқындайтын жария құжат болып табылады. Веб-сайтта жарияланған сәттен бастап Кодекс күшіне енген және Компанияның бутиктеріне/бөлімдеріне келушілер мен онлайн-ресурстар пайдаланушылары үшін міндетті болып саналады. Қажет болған жағдайда Кодекс мәтіні онлайн-дүкенде, мобильді сервистерде және сауда залдарында да орналастырылады.