ЖАРИЯ ОФЕРТА

«VILED FASHION» (ВИЛЕД ФЕШН) Жауапкершілігі шектеулі серіктестігі, бұдан әрі «Сайт әкімшілігі» деп аталады, бір тараптан, және

Қазақстан Республикасының азаматтары немесе шетелдік азаматтар болып табылатын жеке және заңды тұлғалар (аталған тұлғалардың кез келгені), www.viled.kz интернет-сайтын және (немесе) «App Store» және «Google Play» қосымшалар дүкендерінде орналастырылған «VILED» мобильді қосымшасын (бұдан әрі - «Сайт») пайдалануға ниеттенген және (немесе) пайдаланатын, бұдан әрі «Пайдаланушы» деп аталатын тұлғалар, екінші тараптан,

бірлесіп бұдан әрі «Тараптар», ал жеке-жеке «Тарап» деп аталады не жоғарыда көрсетілген атауларға сәйкес, төмендегілер туралы осы Пайдаланушылық келісімді (бұдан әрі - «Келісім» / «Оферта») жасасты:

ТЕРМИНДЕР МЕН БЕЛГІЛЕУЛЕР:

«Оферта» - Сайт әкімшілігінің (Қазақстан Республикасы Азаматтық кодексінің (Жалпы бөлім) 395-бабында және Қазақстан Республикасы Азаматтық кодексінің (Ерекше бөлім) 447-бабында осы ұғымға берілген мағынада) Пайдаланушыға Сайтты пайдалану шарттарын, Тауарды сатып алудың елеулі шарттарын, Тауарды қайтару және айырбастау тәртібін, Сайт әкімшілігі өткізетін жарнамалық акциялар мен ұтыс ойындарына қатысу шарттарын, сондай-ақ Сайтты пайдалануға байланысты Тараптардың өзге де құқықтары, міндеттері мен өзара қарым-қатынас шарттарын айқындайтын, осы Келісімде қамтылған шарттарда, оның барлық қосымшаларын қоса алғанда (оның ішінде клиенттердің адалдық бағдарламасының шарттарын), онымен осы Келісімді жасасу туралы жария ұсынысы.

«Сайт әкімшілігі» - «VILED FASHION» (ВИЛЕД ФЕШН) Жауапкершілігі шектеулі серіктестігі, БСН 090740001544, заңды мекенжайы: Қазақстан Республикасы, Алматы қаласы, 050059, Самал-2 шағын ауданы, 67-үй, Қазақстан Республикасының заңнамасына сәйкес құрылған және жұмыс істейтін, Тауарларды, оның ішінде қашықтықтан сату жөнінде кәсіпкерлік қызметті жүзеге асыратын заңды тұлға.

«Пайдаланушы» - жеке немесе заңды тұлға («заңды тұлға» ұғымына Қазақстан Республикасы Азаматтық кодексінің 33-бабында берілген мағынада) - Қазақстан Республикасының азаматы немесе шетелдік азамат (аталған тұлғалардың кез келгені), «VILED» мобильді қосымшасын қоса алғанда, Сайтты пайдалануға ниеттенген және (немесе) пайдаланатын, сондай-ақ Сайт әкімшілігімен осы Келісімді онда қамтылған шарттарда жасасқан тұлға. Пайдаланушыға кәсіпкерлік қызметпен байланысты емес жеке, отбасылық, тұрмыстық қажеттіліктер үшін Тауар сатып алатын жеке тұлғалар, сондай-ақ Сайтты өз мақсаттары үшін пайдаланатын заңды тұлғалар жатады, - аталған екі санат бірлесіп «Пайдаланушы» деп аталады. Бұл ретте Қазақстан Республикасының «04» мамыр 2010 жылғы №274-IV «Тұтынушылардың құқықтарын қорғау туралы» Заңының және Қазақстан Республикасының «21» мамыр 2013 жылғы №94-V «Дербес деректер және оларды қорғау туралы» Заңының нормалары аталған заңдардың реттеу мәні бойынша жеке тұлғаларға қолданылатын шамада Пайдаланушы - жеке тұлғаға қолданылады және өз реттеу мәні бойынша осы заңдардың қолданысы таралмайтын Пайдаланушы - заңды тұлғаға қолданылмайды.

«Акцепт» - Пайдаланушының Келісім шарттарын толық және сөзсіз қабылдауы.

«Сайт» - Сайт әкімшілігіне тиесілі, Интернет желісінде viled.kz мекенжайы бойынша орналастырылған бағдарламалық және ақпараттық құралдардың жиынтығы, сондай-ақ «VILED» мобильді қосымшасы, олар Тауарларды қашықтықтан өткізуге, сондай-ақ Пайдаланушыларға Тауарлар, олардың сипаттамалары, бағасы, төлеу, жеткізу және қайтару шарттары туралы ақпарат беруге және Сайт әкімшілігі мен Пайдаланушылар арасында бөлшек сауда-сатып алу шарттарын жасасу мүмкіндігін қамтамасыз етуге арналған.

«Тауар» - www.viled.kz интернет-сайтында және (немесе) «VILED» мобильді қосымшасында ұсынылған тауар түрлерінің тізбесі.

«Тапсырыс» - Пайдаланушының Сайтта ресімделген, тиісті Тауар карточкасында ресімдеу сәтінде көрсетілген шарттарда (атауы, саны, бағасы) бір немесе бірнеше Тауарды сатып алуға бағытталған тиісті түрде білдірген еркі. Сайт әкімшілігінің Тапсырысты растауы осындай Тауар(-лар)ға қатысты сатып алу-сату шартының жасалғанын білдіреді.

«Электрондық шарт» - Пайдаланушының Сайтта орналастырылған Оферта шарттарын акцептеуі жолымен, оның ішінде Пайдаланушының Оферта шарттарын орындау бойынша әрекеттер жасауы (атап айтқанда, тіркелу, Оферта шарттарымен келісу туралы белгі қою, Тауарды таңдау және оны төлеу) жолымен жасалатын, Қазақстан Республикасы Азаматтық кодексінің 152-бабының 1-1-тармағына және 396-бабының 3-тармағына сәйкес, қағаз тасығышта жазбаша нысанда жасалған шартпен тең заңдық күшке ие Сайт әкімшілігі мен Пайдаланушы арасындағы шарт.

«КАБ» - Сайтта орналастырылған, қатысушыларына арнайы жеңілдіктерге, бонустарға және ұсыныстарға, эксклюзивті іс-шараларға, Акцияларға және ұтыс ойындарына қатысуға, сондай-ақ КАБ көзделген өзге де артықшылықтарға (бұдан әрі - «Артықшылықтар») қол жеткізуге мүмкіндік беретін «MY VILED CLUB» клиенттердің адалдық бағдарламасы.

«Дербес деректер операторы» - Қазақстан Республикасының «21» мамыр 2013 жылғы №94-V «Дербес деректер және оларды қорғау туралы» Заңында белгіленген тәртіппен Пайдаланушылар - жеке тұлғалардың дербес деректерін жинау, өңдеу және қорғау жөніндегі қызметті жүзеге асыратын Сайт әкімшілігі.

«Акция» - Сайт әкімшілігі сатуды ынталандыру, сондай-ақ тұрақты клиенттерді көтермелеу және оларға алғыс білдіру мақсатында тұрақты немесе бір реттік негізде өткізетін, Сайтта және (немесе) «VILED» мобильді қосымшасында тіркелген және КАБ қатысушысы болып табылатын, Біліктілік сатып алуды жасаған және (немесе) нақты Акция қағидаларында белгіленген өзге де қатысу шарттарын орындаған Пайдаланушылар арасында Жүлдені (жүлделерді) ұтыс ойынымен өткізілетін жарнамалық іс-шара.

«Акция қатысушысы» - Сайтта және (немесе) «VILED» мобильді қосымшасында тіркелген, КАБ қатысушысы болып табылатын және нақты Акцияның қағидаларында және осы Келісімде белгіленген қатысу шарттарын орындаған Пайдаланушы - жеке тұлға.

«Біліктілік сатып алу» - нақты Акцияның қағидаларында белгіленген сомаға және шарттарда Сайтта немесе Сайт әкімшілігіне тиесілі немесе пайдаланылатын сауда объектілерінде Тауар сатып алу. Біліктілік сатып алуды жасау Пайдаланушыға тиісті Акцияға қатысу құқығын береді. Пайдаланушы Біліктілік сатып алуды нақты Акцияның қағидаларында көрсетілген сомаға бір фискалдық чекпен жасауға міндетті; осы шарт орындалған кезде Пайдаланушы автоматты түрде осындай Акцияның Қатысушысы болады.

«Жүлде» - розыгрыш нәтижелері бойынша нақты Акция қағидаларының шарттарында Сайт әкімшілігі Акция қатысушысына беретін Тауар, іс-шараға кіру құқығы (атап айтқанда, билетпен ресімделетін) немесе өзге де көтермелеу.

ПАЙДАЛАНЫЛАТЫН НОРМАТИВТІК ҚҰҚЫҚТЫҚ АКТІЛЕР:

1.  Қазақстан Республикасының 1994 жылғы «27» желтоқсандағы №268-XIII Азаматтық кодексі (Жалпы бөлім) және Қазақстан Республикасының 1999 жылғы «01» шілдедегі №409-I Азаматтық кодексі (Ерекше бөлім) (бұдан әрі - «ҚР АК»).

2.  Қазақстан Республикасының 2010 жылғы «04» мамырдағы №274-IV «Тұтынушылардың құқықтарын қорғау туралы» Заңы (бұдан әрі - «Тұтынушылардың құқықтарын қорғау туралы Заң»).

3.  Қазақстан Республикасының 2013 жылғы «21» мамырдағы №94-V «Дербес деректер және оларды қорғау туралы» Заңы (бұдан әрі - «Дербес деректер туралы Заң»).

4.  Қазақстан Республикасының 2004 жылғы «12» сәуірдегі №544-II «Сауда қызметін реттеу туралы» Заңы (бұдан әрі - «Сауда қызметін реттеу туралы Заң»).

5.  Қазақстан Республикасының 2016 жылғы «26» шілдедегі №11-VI «Төлемдер және төлем жүйелері туралы» Заңы (бұдан әрі - «Төлемдер және төлем жүйелері туралы Заң»).

6.  Қазақстан Республикасының 2009 жылғы «28» тамыздағы №191-IV «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы» Заңы (бұдан әрі - «Кірістерді заңдастыруға қарсы іс-қимыл туралы Заң»).

7.  Қазақстан Республикасының 1997 жылғы «11» шілдедегі №151-I «Қазақстан Республикасындағы тіл туралы» Заңы (бұдан әрі - «Тіл туралы Заң»).

1.             ЖАЛПЫ ЕРЕЖЕЛЕР

1.1.        Осы Келісім Пайдаланушының Сайтты пайдалануының елеулі шарттарын қамтитын Сайт әкімшілігінің жария офертасы болып табылады.

1.2.        Сайтты пайдалану, оның ішінде оны қарау, ақпарат іздеу, Сайттың функционалдық мүмкіндіктерімен жұмыс істеу тек осы Офертаның шарттарын осы Келісімде белгіленген нысанда толық және сөзсіз қабылдау (акцепт) шартымен ғана мүмкін болады.

1.3.        Келісімнің шарттарымен келіспеген жағдайда, Пайдаланушы Сайтты пайдалануды дереу тоқтатуға міндетті.

1.4.        Пайдаланушының мынадай әрекеттері Келісімнің акцепті деп танылады:

1.4.1.    Пайдаланушының Сайтта тіркелуден өтуі;

1.4.2.    Сайтта тіркелу кезінде Пайдаланушының Жария оферта шарттарымен келісетіні туралы белгі қоюы;

1.4.3.    осы Келісімнің қолданыстағы редакциясы күшіне енгенге дейін Сайтта тіркелген немесе осы тармақтың 1.4.2-тармақшасында көрсетілген белгіні қоймаған Пайдаланушы үшін - Сайтта Тапсырыс ресімдеу және (немесе) Келісімнің қолданыстағы редакциясы жарияланғаннан кейін Сайтты одан әрі пайдалану акцепт деп танылады.

1.5.        Тіркелместен және Тапсырыс ресімдемей Сайтпен танысу акцептің туындауына әкелмейді және Пайдаланушы мен Сайт әкімшілігі арасында қандай да бір шарттық міндеттемелер туғызбайды.

1.6.        Сайтта тіркелу немесе заңды тұлға атынан Тапсырыс ресімдеу жағдайында мұндай әрекеттерді осы заңды тұлғаның құрылтай құжаттарының, сенімхаттың немесе оның өкілеттігін растайтын өзге де құжаттың негізінде әрекет ететін уәкілетті өкілі жасайды. Мұндай өкілдің өкілеттігін тексеру және оның берген мәліметтерінің дұрыстығы үшін жауапкершілікті тиісті заңды тұлға - Пайдаланушы көтереді.

2.             КЕЛІСІМНІҢ МӘНІ

2.1.        Келісім шарттары бойынша Сайт әкімшілігі Пайдаланушыға Сайтқа және оның функционалдық мүмкіндіктеріне өтеусіз қол жеткізуді береді, ал Пайдаланушы Сайтты Келісімнің шарттарына сәйкес пайдалануға міндеттенеді. Пайдаланушының Тауарды сатып алуы Тапсырысты ресімдеу сәтінде Сайттағы тиісті Тауар карточкасында көрсетілген баға мен шарттар бойынша өтеулі негізде жүзеге асырылады.

2.2.        Тапсырысты ресімдеу кезінде Сайт әкімшілігі мен Пайдаланушы арасында жасалатын Тауарды сатып алу-сату шартының елеулі шарттары мынадай болып табылады: Тауардың атауы мен саны; Тауардың теңгемен бағасы; Тауарды төлеу тәртібі мен тәсілі; Тауарды жеткізу мерзімі мен тәсілі. Аталған шарттар Тапсырысты ресімдеу сәтінде Сайттағы Тауар карточкасында орналастырылған ақпарат негізінде айқындалады және Сайт әкімшілігі Тапсырысты орындауға қабылдаған кезде расталады.

2.3.        Тауарға меншік құқығы, сондай-ақ оның кездейсоқ жойылу немесе кездейсоқ бүліну қаупі Тауар Пайдаланушыға немесе ол көрсеткен тұлғаға берілген сәттен бастап Сайт әкімшілігінен Пайдаланушыға өтеді.

2.4.        Тауарды төлеуді Пайдаланушы Тапсырысты ресімдеу кезінде Сайтта қолжетімді тәсілдердің ішінен таңдаған тәсілмен жүзеге асырады. Тауардың құны Сайтта Қазақстан Республикасының ұлттық валютасында - теңгемен көрсетіледі.

2.5.        Тауарды жеткізу Қазақстан Республикасының бүкіл аумағында жүзеге асырылады. Жеткізу мерзімдері жұмыс күндерімен есептеледі және оған Тапсырысты ресімдеу күні, сондай-ақ демалыс және мереке күндері кірмейді; Пайдаланушы Тауарды алу кезінде төлеуді таңдаған жағдайда жеткізу мерзімі 1 (бір) жұмыс күніне ұлғаяды. Жеткізу құны, сондай-ақ өзі әкетіп алу және тегін жеткізу шарттары Сайтта көрсетіледі.

2.6.        Тауарды жеткізу мерзімін Сайт әкімшілігі Тапсырысты ресімдеу кезінде көрсетеді, ал жеткізу тәсілін Пайдаланушы Тапсырысты ресімдеу кезінде Сайтта қолжетімді тәсілдердің ішінен таңдайды. Келісілген жеткізу мерзімі мен тәсілі Пайдаланушыға жіберілетін Тапсырысты растауда көрсетіледі.

2.7.        Интернет-төлемдерді жүргізуді қолдайтын кез келген банк карталары төлеуге қабылданады. Тапсырыс расталғаннан кейін фискалдық чек Пайдаланушыға оның көрсеткен электрондық пошта мекенжайына жіберіледі және Пайдаланушының Жеке кабинетінде сақталады. Тапсырысқа «Расталды» мәртебесі берілгеннен кейін ол жеткізуге немесе өзі әкетіп алуға беріледі.

3.             ЗИЯТКЕРЛІК ҚЫЗМЕТ НӘТИЖЕЛЕРІНЕ ҚҰҚЫҚТАР

3.1.        Пайдаланушы Әкімшіліктің алдын ала жазбаша келісімінсіз Сайтты коммерциялық мақсаттарда пайдаланбауға, оның ішінде Сайтты пайдалана отырып, кейіннен коммерциялық өткізу, қайта сату, бәсекелес қызметтер құру немесе кәсіпкерлік қызметте өзгеше пайдалану мақсатында Тауарлар, бағалар, ассортимент туралы деректерді немесе Сайтта орналастырылған өзге ақпаратты жинауды, көшіруді немесе автоматтандырылған түрде түсіруді (парсингті) жүзеге асырмауға; Сайтта үшінші тұлғалардың тауарларының, жұмыстарының немесе қызметтерінің жарнамасын орналастырмауға және Сайт арқылы таратпауға; Сайттың функционалдық мүмкіндіктерін Пайдаланушының өз Тауарларын, жұмыстарын немесе қызметтерін ілгерілету немесе өткізу арнасы ретінде пайдаланбауға міндеттенеді.

3.2.        Сайтта орналастырылған зияткерлік қызметтің барлық нәтижелері (оның ішінде, бірақ онымен шектелмей: суреттер, фотосуреттер, мәтіндер, Тауарлардың сипаттамалары, дизайн, фирмалық стиль элементтері, тауар белгілері, бағдарламалық код және Сайттың дерекқорлары) Сайт әкімшілігінің және (немесе) Сайт арқылы өткізілетін тиісті брендтердің құқық иеленушілерінің зияткерлік меншік объектілері болып табылады және Қазақстан Республикасының авторлық құқық пен тауар белгілері туралы заңнамасымен қорғалады. Пайдаланушыға Тауарды сатып алуға байланысты мақсаттарда оларды қарау құқығынан басқа, аталған объектілерді пайдалануға қандай да бір құқық берілмейді.

4.            ЕРЕКШЕ ШАРТТАР

4.1.        Сайт әкімшілігі Сайтта орналастырылған КАБ-та белгіленген тәртіппен және шарттарда Пайдаланушыға сатып алулары үшін балл есептеуге құқылы. Пайдаланушының КАБ-қа қатысуы және оған Сайт әкімшілігінің Артықшылықтар беруі Тараптардың құқығы болып табылады; мұндай қатысудың тәртібі мен шарттары КАБ-та айқындалады.

4.2.        Бағаның дұрыс көрсетілмеуіне әкелген айқын техникалық ақаулар болған жағдайда, Әкімшілік төлеу сатысына қарамастан, қаражатты міндетті түрде қайтара отырып, Тапсырысты жоюға құқылы. Айқын қателер деп Тауардың бағасы ұқсас Тауарлардың орташа нарықтық құнынан 2 еседен астам төмен немесе 2 еседен астам жоғары болатын және (немесе) карточкада сипатталған сипаттамаларға сәйкес келмейтін жағдайлар түсініледі.

4.3.        Сайт әкімшілігі Сайт арқылы өткізілетін Тауарлардың тиісті брендтердің ресми өндірушілерінен және (немесе) уәкілетті дистрибьюторларынан сатып алынған түпнұсқа өнім болып табылатынына кепілдік береді және растайды. Тауардың түпнұсқалығын растайтын құжаттар (сертификаттар, бұйым паспорттары және т.б.), олар өндірушінің жеткізу жинағында болған жағдайда, Тауармен бірге Пайдаланушыға беріледі. Осы кепілдік Тауар Пайдаланушыға берілгеннен кейін оның сәйкестендіру белгілері (сериялық нөмірлер, пломбалар, жапсырмалар, түпнұсқалық сертификаттары) бүлінген, өзгертілген немесе алып тасталған Тауарға қолданылмайды.

4.4.        Сайт әкімшілігі белгілі бір кезең ішінде бір Пайдаланушы сатып алатын бір Тауардың бірліктерінің санына (атап айтқанда, лимиттелген жинақтардың Тауарларына) шектеу белгілеуге құқылы. Сондай-ақ Сайт әкімшілігі Пайдаланушының Тауарды өз пайдалануы үшін емес, кейіннен кәсіпқой қайта сату мақсатында сатып алатынына жеткілікті негіздер болған жағдайда, атап айтқанда: бір Тауарға белгіленген лимиттен асыра бірнеше Тапсырыс бір мезгілде ресімделген кезде немесе бір Тауар парасатты жеке қажеттіліктен айқын асатын мөлшерде жүйелі түрде сатып алынған кезде, Тапсырысты ресімдеуден бас тартуға немесе ресімделген Тапсырысты жоюға құқылы. Төленген ақша қаражаты Тапсырыс жойылған сәттен бастап 15 (он бес) жұмыс күнінен кешіктірілмей Пайдаланушыға қайтарылуға тиіс.

4.5.        Сайтта орналастырылған Тауарлардың суреттері ақпараттық сипатта болады және Пайдаланушының құрылғы экранының жеке параметрлеріне байланысты Тауардың нақты сыртқы түрінен, түсінен және фактурасынан аздап ерекшеленуі мүмкін. Аталған айырмашылықтар өздігінен Тауардың кемшілігі болып табылмайды және Тауардың сапасына шағым білдіру үшін немесе оны сапасыз Тауар ретінде қайтару үшін дербес негіз бола алмайды.

4.6.        Қазақстан Республикасының шегінен тыс жеткізумен Тапсырыс ресімделген кезде, мұндай Тапсырысты ресімдеу кезінде Сайтта тікелей өзгеше көрсетілмесе, кедендік төлемдерді, салықтар мен алымдарды төлеу, сондай-ақ межелі елдің валюталық және кедендік заңнамасының талаптарын сақтау жөніндегі міндетті Пайдаланушы көтереді. Сайт әкімшілігі кеден немесе өзге де мемлекеттік органдардың әрекеттерінен туындаған жеткізудің кешігуіне жауапты болмайды және мұндай жеткізу экспорттық бақылау немесе халықаралық санкциялар туралы қолданылатын заңнаманың бұзылуына әкелуі мүмкін болса, Тауарды межелі елге жеткізуден бас тартуға құқылы.

4.7.        Тапсырысты банктер немесе өзге де серіктес ұйымдар ұсынатын бөліп төлеу немесе өзге де ұқсас қызметтерді пайдалана отырып төлеген жағдайда, Пайдаланушының мұндай ұйыммен қарым-қатынасы Пайдаланушы мен тиісті ұйым арасындағы жеке шартпен реттеледі; Сайт әкімшілігі мұндай шарттың тарапы болып табылмайды және оның орындалуына, оның ішінде Пайдаланушының мұндай ұйым алдындағы міндеттемелерін бұзу салдарларына жауапты болмайды.

4.8.        Сайт әкімшілігі Пайдаланушы орналастырған, дұрыс емес мәліметтерді, қорлауды, боқтық сөздерді, үшінші тұлғалардың дербес деректерін олардың келісімінсіз қамтитын немесе Қазақстан Республикасының заңнамасын өзгеше бұзатын Тауар туралы пікірді немесе түсініктемені жарияламауға немесе жоюға құқылы. Орналастырылған пікірлер олардың авторларының жеке пікірін білдіреді, Сайт әкімшілігінің позициясы болып табылмайды, және Сайт әкімшілігі олардың мазмұнына жауапты болмайды, сондай-ақ оларды алдын ала модерациялауға міндетті емес.

4.9.        Тапсырысты ресімдеу сәтінде немесе оны ресімдегеннен кейін Сайт әкімшілігінің қоймасында тапсырыс берілген Тауардың қажетті саны болмаған жағдайда, Сайт әкімшілігі бұл туралы Пайдаланушыға электрондық хабарлама арқылы немесе Пайдаланушы Тапсырысты ресімдеу кезінде көрсеткен өзге тәсілмен хабарлайды. Пайдаланушы Тауарды бар мөлшерде қабылдауға келісуге немесе Тапсырыстың тиісті позициясын жоюға құқылы. Хабарлама жіберілген сәттен бастап 3 (үш) күнтізбелік күн ішінде Пайдаланушының жауабы алынбаса, Сайт әкімшілігі осы позицияны жойылған сәттен бастап 15 (он бес) жұмыс күнінен кешіктірмей ол үшін төленген ақша қаражатын қайтара отырып, Тапсырыстың осы позициясын жоюға құқылы.

4.10.     Төленген Тапсырысты жинау, буып-түю немесе өзгеше орындау кезінде Сайт әкімшілігіне бұрын белгісіз болған Тауардың ақауы, бүлінуі немесе өзге де сәйкессіздігі анықталса, Сайт әкімшілігі бұл туралы Пайдаланушыға хабарлайды және жойылған сәттен бастап 15 (он бес) жұмыс күнінен кешіктірмей ол үшін төленген ақша қаражатын қайтара отырып, Тапсырыстың тиісті позициясын жоюға құқылы.

4.11.     Тауарды жеткізу Пайдаланушы сатып алатын Тауардың құрамына кірмейтін дербес қызмет болып табылады. Сайт әкімшілігінің жеткізу жөніндегі міндеттемелері Тауар Пайдаланушыға немесе ол көрсеткен тұлғаға берілген сәтте орындалды деп есептеледі. Тауарды алғаннан кейін анықталған Тауардың кемшіліктеріне байланысты шағымдар Қазақстан Республикасының заңнамасына және осы Келісімге сәйкес қаралады.

4.12.     Сайт әкімшілігі осы Келісім бойынша міндеттемелерді орындау үшін үшінші тұлғаларды (оның ішінде жеткізу қызметтерін, логистикалық және курьерлік компанияларды) тартуға құқылы, бұл ретте Қазақстан Республикасының заңнамасында өзгеше тікелей көзделмесе, мұндай міндеттемелердің орындалуы үшін Пайдаланушы алдында жауапты болып қала береді.

4.13.     Тапсырысты алған кезде Пайдаланушы (немесе ол көрсеткен алушы) жеткізуді жүзеге асыратын тұлғаның қатысуымен қаптаманың тұтастығын қарап тексеруге міндетті. Қаптаманың тұтастығына шағым болмаған жағдайда, алушы Тапсырысты алғанын жеткізу кезінде берілетін құжатта (жеткізу бланкісінде немесе өзге де ұқсас құжатта) растайды. Қаптаманың тұтастығы бұзылған немесе Тауар мәлімделген саны, ассортименті немесе жиынтықтылығына сәйкес келмеген жағдайда, алушы жеткізуді жүзеге асыратын тұлғаның қатысуымен тиісті акт жасауға және осы Келісімнің преамбуласында көрсетілген байланыс деректері бойынша Сайт әкімшілігіне дереу хабарласуға міндетті.

4.14.     Сайт әкімшілігі Сайт әкімшілігіне байланысты емес ерекше жағдайларда (оның ішінде күтпеген жағдайлар, көлік және логистикалық ұйымдар тарапынан шектеулер) Тапсырысты жеткізуде кешігуге жол беруге құқылы; бұл ретте Сайт әкімшілігі Тапсырысты барынша тез жеткізу үшін күш салады және мұндай кешігуге жауапты болмайды.

4.15.     Тапсырысты тек Пайдаланушы немесе Пайдаланушы Тапсырысты ресімдеу кезінде көрсеткен сенім білдірілген тұлға ғана ала алады. Тапсырыс алдын ала төлеммен ресімделген кезде, жеткізуді жүзеге асыратын тұлға Тапсырысты алу құқығын растау үшін алушыдан жеке басын куәландыратын құжатты сұратуға құқылы.

4.16.     Тауар Пайдаланушыға немесе ол көрсеткен тұлғаға берілгенге дейін Тапсырыстың сақталуына жауапкершілікті Сайт әкімшілігі көтереді. Жеткізу барысында Тапсырыстың жоғалуы расталған жағдайда, Сайт әкімшілігі Пайдаланушыға Тауардың толық құнын және жеткізу құнын өтейді.

4.17.     Жеткізуді жүзеге асыратын тұлғаның Тапсырысты алу мекенжайында күту уақыты 15 (он бес) минуттан аспайды.

4.18.     Пайдаланушы Тапсырысты алғанға дейін кез келген уақытта, оның ішінде Тапсырыс жеткізу қызметіне берілгеннен кейін де одан бас тартуға құқылы. Бұл жағдайда төленген ақша қаражатын қайтару Сайт әкімшілігі қайтарылған Тапсырысты алған сәттен бастап 15 (он бес) жұмыс күні ішінде жүзеге асырылады.

4.19.     Пайдаланушы Жеке кабинетті жойған кезде Тапсырыстар тарихы, таңдаулы Тауарлар тізімі, себет мазмұны, сондай-ақ КАБ шеңберінде жинақталған бонустар мен өзге де Артықшылықтар жоғалады.

5.             ТАУАРДЫ ҚАЙТАРУ, АЙЫРБАСТАУ ЖӘНЕ ТҮПНҰСҚАЛЫҒЫН ТЕКСЕРУ

5.1.        Тиісті сападағы Тауарды айырбастау және қайтару, сондай-ақ сапасыз Тауарды ауыстыру, қайтару немесе жөндеу Тұтынушылардың құқықтарын қорғау туралы Заңда белгіленген тәртіппен және мерзімдерде жүзеге асырылады.

5.2.        Тауарды қайтару немесе айырбастау кезінде Пайдаланушы Тауарды сатып алу фактісін растайтын құжатты беруге (немесе Сайт әкімшілігінен сатып алу фактісін өзгеше тәсілмен дәлелдеуге), сондай-ақ сапасыз Тауарды қайтару жағдайларын қоспағанда, Тауардың тауарлық түрінің, оның тұтынушылық қасиеттерінің, пломбаларының, фирмалық жапсырмаларының, биркаларының және болған жағдайда Тауардың түпнұсқалығын растайтын құжаттардың (сертификаттардың, бұйым паспорттарының, кепілдік талондарының) сақталуын қамтамасыз етуге міндетті.

5.3.        Сайт әкімшілігі қайтарылатын Тауарды тексеруге, оның ішінде оның жеке белгілерін (сериялық және партиялық нөмірлерін, түпнұсқалық сертификаттарының нөмірлерін, гравировкаларын) Тауар Пайдаланушыға берілген кезде Сайт әкімшілігі тіркеген белгілермен салыстыруға құқылы. Қайтарылатын Тауар Пайдаланушыға берілген Тауарға сәйкес келмейтіні анықталған жағдайда (оның ішінде Тауарды алмастыру белгілері), Сайт әкімшілігі мұндай сәйкессіздікті фото- және (немесе) бейнетүсіру қоса берілген актімен тіркей отырып, мұндай Тауарды қабылдаудан және ақша қаражатын қайтарудан бас тартуға құқылы.

5.4.        Тауардың кемшілігінің бар-жоғы немесе туындау себебі туралы дау туындаған жағдайда, Сайт әкімшілігі Қазақстан Республикасының заңнамасында белгіленген тәртіппен Тауардың сапасын тексеруге және (немесе) сараптама жүргізуге құқылы. Пайдаланушы мұндай тексеруге (сараптамаға) жеке өзі немесе өкілі арқылы қатысуға құқылы. Сараптама жүргізу шығыстары Қазақстан Республикасының тұтынушылардың құқықтарын қорғау туралы заңнамасында белгіленген қағидалар бойынша Тараптар арасында бөлінеді.

5.5.        Тауар үшін төленген ақша қаражатын қайтару, Пайдаланушымен өзге тәсіл келісілмесе, төлем жүргізілген тәсілмен, Қазақстан Республикасының заңнамасында белгіленген мерзімдерде жүзеге асырылады.

5.6.        Зергерлік бұйымдар мен сағаттарды қайтару тек Сайт әкімшілігінің бутигінде, жеке өзі, Сайтта белгіленген тәртіппен ғана жүзеге асырылады.

5.7.        Тауарды Сайт арқылы айырбастау жүргізілмейді. Тауарды айырбастау қажет болған жағдайда, Пайдаланушы сатып алынған Тауарды осы бөлімде белгіленген тәртіппен қайтаруды ресімдейді және таңдалған Тауарға жаңа Тапсырыс ресімдейді.

5.8.        Сайт әкімшілігі осы бөлімде көзделген негіздер бойынша Тауарды қайтаруға қабылдаудан бас тартқан жағдайда, Тауар Сайт әкімшілігінің есебінен Тапсырысты ресімдеу кезінде көрсетілген мекенжай бойынша Пайдаланушыға кері жіберіледі.

5.9.        Тауарды қайтаруды ресімдеу үшін Пайдаланушы Сайтта көрсетілген байланыс деректері бойынша Сайт әкімшілігіне хабарласады, қайтару себебін және болған жағдайда анықталған Тауардың кемшіліктерін хабарлайды, сондай-ақ жеке басын куәландыратын құжатты және Тауарды сатып алу және төлеу фактісін растайтын құжатты ұсынады.

6.             ЖАРНАМАЛЫҚ АКЦИЯЛАР МЕН ҰТЫС ОЙЫНДАРЫ

6.1.        Сайт әкімшілігі сатуды ынталандыру, сондай-ақ тұрақты клиенттерді көтермелеу және оларға алғыс білдіру мақсатында, Пайдаланушылар арасында Жүлделерді ұтыс ойынымен өткізілетін жарнамалық Акцияларды мезгіл-мезгіл және тұрақты негізде өткізуге құқылы.

6.2.        Нақты Акцияның шарттары (Акцияның басталу күні мен уақыты, Акцияның аяқталу күні мен уақыты, өткізу кезеңі, Біліктілік сатып алудың сомасы, қатысушыларды тіркеу тәртібі, ұтыс ойынының тәртібі мен күні, Жүлдені тапсырудың құрамы мен тәртібі, сондай-ақ өзге де шарттар) Сайт әкімшілігі бекітетін және Сайтта және (немесе) жеке промо-ресурста жариялайтын осындай Акцияның жеке қағидаларында айқындалады.

6.3.        Осы бөлім барлық Акцияларға қолданылатын жалпы шарттарды белгілейді; нақты Акцияның қағидалары осы бөлімге қайшы келе алмайды және Акция қатысушысының жағдайын онымен салыстырғанда нашарлата алмайды, ал нақты Акцияның қағидаларында реттелмеген бөлігінде осы бөлімнің және жалпы алғанда осы Келісімнің ережелері қолданылады.

6.4.        Акцияға қатысу Пайдаланушы үшін тегін болып табылады; Сайт әкімшілігі Акция қатысушысынан оның жасайтын Біліктілік сатып алуының құнынан басқа қатысу үшін жеке ақы алуға құқылы емес. Акция Қазақстан Республикасының заңнамасында осы ұғымдарға берілген мағынада лотерея, азартты ойын немесе тәуекелге негізделген өзге де ойын болып табылмайды.

6.5.        Нақты Акцияның шарттарында қатысу құқығы белгілі бір сомаға Біліктілік сатып алу жасалған кезде туындайтыны көзделсе, көрсетілген сомаға Пайдаланушы осындай сатып алуды төлеу есебіне пайдаланған КАБ бонустары, нақты Акцияның қағидаларында өзге шекті мөлшер белгіленбесе, сатып алу сомасының 50 (елу) пайызынан аспайтын мөлшерде есептелуі мүмкін.

6.6.        Тауарларды сатып алуға арналған сыйлық сертификатын (бұдан әрі - «Сертификат») пайдалана отырып Тауар сатып алатын Пайдаланушы, Сертификатты пайдалану (оның номиналы есебінен Тауар алу) тиісті Акцияны өткізу кезеңінде жүргізілген және осылайша сатып алынған Тауардың құны нақты Акцияның қағидаларында белгіленген Біліктілік сатып алу шегіне сәйкес келген жағдайда, Акцияға қатысуға құқылы. Сертификатты пайдалану кезінде алынған Тауардың құны Сертификаттың номиналынан асып, айырмасын Пайдаланушы қосымша төлесе, Біліктілік сатып алудың сомасына Сертификаттың номиналын және қосымша төленген соманы қоса алғанда, сатып алынған Тауардың толық құны есептеледі.

6.7.        Пайдаланушы сыйлық Сертификатын пайдалана отырып сатып алған Тауарды қайтарған жағдайда, Сайт әкімшілігі Қазақстан Республикасы Азаматтық кодексінің 275-бабы негізінде ақша қаражатын қайтаруға өтініш білдірген тұлғадан Сертификатты дәл осы тұлғаның төлегенін растайтын құжаттарды (төлем құжаттарын, банктік үзінді көшірмені, Сертификатты төлеу туралы чекті) талап етуге құқылы. Мұндай құжаттар ұсынылған кезде, қайтарылған Тауар үшін ақша қаражаты Төлемдер және төлем жүйелері туралы Заңда осы ұғымға берілген мағынада бенефициар ретінде, Сертификатты іс жүзінде төлеген тұлғаның банктік (есеп айырысу) шотына аударылуға тиіс.

6.8.        Пайдаланушының Біліктілік сатып алу ретінде сатып алынған Тауарды қайтаруы:

6.8.1.   егер Пайдаланушы тиісті Акция кезеңінің жеңімпаздары анықталғанға дейін Тауарды (толық немесе ішінара) қайтарса және осы фискалдық чек бойынша сатып алудың қалған (жойылмаған) бөлігінің құны Біліктілік сатып алу шегінен төмен түссе, осы чекке берілген Акцияға қатысу идентификаторы (бірегей нөмір, Акция қатысушысының Т.А.Ә. немесе нақты Акцияның қағидаларына сәйкес пайдаланылатын өзге идентификатор) жойылады, ал Пайдаланушы Акция қатысушыларының қатарынан шығарылады. Егер чек бойынша Тауардың бір бөлігі ғана қайтарылуға жатса және сатып алудың қалған сомасы қатысу шегіне сәйкес келе берсе, қатысу идентификаторы күшінде қалады;

6.8.2.   егер Акцияның жеңімпазы деп танылған Пайдаланушы кейіннен осы Акцияға қатысу үшін Біліктілік сатып алу ретінде сатып алынған Тауарды Жүлде тапсырылғанға дейін қайтарса, Сайт әкімшілігі Жүлдені беруден бас тартуға және мұндай Пайдаланушыны Жүлдеге құқығынан айырылған деп тануға құқылы. Бұл жағдайда Жүлде Пайдаланушыға берілмейді және Сайт әкімшілігінің қарамағында қалады. Тауардың өзін қайтару осы Келісімнің 5-бөлімінде белгіленген жалпы шарттарда жүзеге асырылады;

6.8.3.   егер Біліктілік сатып алу ретінде сатып алынған Тауарды қайтару Жүлде жеңімпазға тапсырылғаннан кейін жүргізілсе, Сайт әкімшілігі Пайдаланушыдан алынған Жүлдені қайтаруды талап етуге құқылы. Егер Жүлдені қайтару мүмкін болмаса (оның ішінде оны пайдалануына, жоғалуына, бүлінуіне немесе қолданылу мерзімінің өтуіне байланысты - мысалы, өткен іс-шара), Пайдаланушы Сайт әкімшілігіне Жүлдені сатып алу құнын өтейді. Біліктілік сатып алу ретінде сатып алынған Тауардың өзін қайтару осы Келісімнің 5-бөлімінде белгіленген жалпы шарттарда жүргізіледі. Пайдаланушы Жүлде үшін өтеуге тиіс сома Сайт әкімшілігі Пайдаланушыға осындай Тауар үшін қайтаруға тиіс ақша қаражаты есебіне қарсы біртекті талаптарды есепке жатқызу тәртібімен (Қазақстан Республикасы Азаматтық кодексінің 370-бабына сәйкес) есептеледі.

6.9.        Акция жеңімпазын хабардар етуді Сайт әкімшілігінің колл-орталығы Пайдаланушы Жеке кабинетте көрсеткен телефон нөміріне қоңырау шалу және смс-хабарлама жіберу арқылы Акция қорытындысы шығарылған күннен бастап 48 (қырық сегіз) сағат ішінде жүзеге асырады. Егер Акцияның жеңімпазы нақты Акцияның қағидаларында белгіленген мерзімде, ал мұндай мерзім болмаса - осы тармаққа сәйкес хабардар етілген күннен бастап 2 (екі) күнтізбелік күн ішінде өзі туралы мәлімдемесе және Жүлдені алмаса, Қатысушы Жүлдеге құқығынан айырылған болып есептеледі.

6.10.     Нақты Акцияның қағидаларында ақшалай баламаны төлеу тікелей көзделген жағдайларды қоспағанда, Жүлденің ақшалай баламасы Пайдаланушыға төленбейді.

6.11.     Жүлде басқа Тауарға айырбасталуға жатпайды.

6.12.     Сайт әкімшілігі Жүлде ретінде қол жеткізу берілетін іс-шараның ұйымдастырушысы болып табылмайды және осындай іс-шараны үшінші тұлғалардың ұйымдастыруына байланысты оның болдырылмауына, ауыстырылуына, бағдарламасының өзгертілуіне немесе өзге де жағдайларға жауапты болмайды. Мұндай жағдайларға байланысты Пайдаланушыға ақшалай өтемақы төленбейді.

6.13.     Нақты Акцияның қағидаларында тікелей көзделген жағдайлардан басқа, Қатысушының дұрыс емес, толық емес немесе басқа тұлғаға тиесілі деректерді ұсынуы да Акцияға қатысудан бас тартуға, Қатысушының қатысу идентификаторын (бірегей нөмірін, Акция қатысушысының Т.А.Ә. немесе нақты Акцияның қағидаларына сәйкес пайдаланылатын өзге идентификаторын) жоюға не Қатысушыны Жүлдеге құқығынан айырылған деп тануға негіз болып табылады.

6.14.     Пайдаланушы Акцияны өткізу кезеңі ішінде кез келген мөлшерде дербес сатып алулар жасауға құқылы. Нақты Акцияның қағидаларында белгіленген Біліктілік сатып алу шегіне жеке-жеке сәйкес келетін әрбір сатып алу Пайдаланушыға осындай сатып алу бойынша жеке қатысу идентификаторын алуға құқық және ұтуға бір қосымша мүмкіндік береді; Пайдаланушының расталған сатып алулары неғұрлым көп болса, ұту ықтималдығы соғұрлым жоғары болады. Пайдаланушының бірнеше осындай сатып алулар жасауы Акцияға қатысудан бас тартуға, қатысу идентификаторларын жоюға немесе осы бөлімде көзделген Пайдаланушының өзге де құқықтарын шектеуге негіз болып табылмайды.

6.15.     Нақты Акцияның қағидаларында өзгеше көзделмесе, Сайт әкімшілігінің қызметкерлері, Акцияны өткізуге тартылған ұйымдардың қызметкерлері, сондай-ақ олардың отбасы мүшелері Акцияға қатысуға жіберілмейді.

6.16.     Бір Пайдаланушы Акцияның бір кезеңі шеңберінде тек бір рет қана жеңімпаз деп танылуы мүмкін. Егер ұтыс ойыны нәтижесінде кездейсоқ сандар генераторы анықтаған сан осы кезеңнің жеңімпазы деп бұрын танылған Пайдаланушының қатысу идентификаторына сәйкес келсе, осы сан бойынша ұтыс ойыны басқа Пайдаланушының қатысу идентификаторы анықталғанға дейін тікелей эфирде қайта өткізіледі.

6.17.     Акция қатысушысын сәйкестендіру Пайдаланушы Сайтта тіркелу кезінде көрсеткен ұялы телефон нөмірі бойынша жүзеге асырылады.

6.18.     Жеңілдікпен сатып алынған Тауар Акцияға жалпы шарттарда қатысады; Біліктілік сатып алудың сомасына жеңілдік қолданылғаннан кейін фискалдық чек бойынша іс жүзінде төленген сома есептеледі.

6.19.     Біліктілік сатып алудың сомасына жөндеу, гравировка жасау, өлшемге келтіру, дербестендіру және өзге де қызметтердің құны есептелмейді.

6.20.     Заңды тұлға атынан немесе оның мүддесінде не жеке шарт негізінде ресімделген сатып алулар Акцияға қатыспайды.

7.            ТАРАПТАРДЫҢ ЖАУАПКЕРШІЛІГІ

7.1.        Сайт әкімшілігі Сайтта тапсырыс берілген Тауарларды тиісінше пайдаланбауы салдарынан Пайдаланушыға келтірілген залал үшін жауапты болмайды.

7.2.        Тараптар осы Келісім бойынша міндеттемелерді орындамағаны немесе тиісінше орындамағаны үшін Қазақстан Республикасының заңнамасына сәйкес жауапты болады.

7.3.        Пайдаланушы Тапсырысты ресімдеу кезінде берілген ақпараттың дұрыстығы мен жеткіліктілігі үшін жауапты болады.

7.4.        Сайт әкімшілігі Пайдаланушы Тапсырысты ресімдемеген және растамаған сатылымға ұсынылатын Тауарды өз қалауы бойынша каталогтан өзгертуге немесе алып тастауға, сондай-ақ Тапсырысы ресімделмеген Тауарлардың құнын Пайдаланушыны алдын ала хабардар етусіз кез келген уақытта өзгертуге құқығын өзінде қалдырады. Пайдаланушы Тапсырысты ресімдеп, растаған Тауардың құнын мұндай растаудан кейін өзгертуге, Келісімнің 4.2-тармағында көзделген жағдайларды қоспағанда, жол берілмейді.

7.5.        Пайдаланушы (жеке тұлға үшін) немесе оның бенефициарлық меншік иелері не қатысушылары (заңды тұлға үшін) Біріккен Ұлттар Ұйымы, Қазақстан Республикасы немесе тиісті мәмілеге юрисдикциясы қолданылатын өзге де мемлекеттер мен ұйымдар белгілеген санкциялық тізімдерге енгізілсе, сондай-ақ Тапсырысты орындау экспорттық бақылау немесе халықаралық санкциялар туралы қолданылатын заңнаманың бұзылуына әкелуі мүмкін болса, Сайт әкімшілігі Пайдаланушыны тіркеуден, Тапсырысты ресімдеуден немесе оны орындаудан бас тартуға құқылы. Пайдаланушы өзінің де (жеке тұлға үшін), оның құрылтайшыларының, акционерлерінің, бенефициарлық меншік иелерінің, басқару органдары мүшелерінің де (заңды тұлға үшін) активтерді мұздатуы жөнінде шаралар қолданылған тұлғалар болып табылмайтынын және тиісті мәмілеге қолданылатын құзыретті органдар белгілеген санкциялық тізімдерге немесе өзге де шектеу шараларына енгізілмегенін мәлімдейді және кепілдік береді.

7.6.        Тараптар Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы Заңды, сондай-ақ осы саладағы Қазақстан Республикасының өзге де қолданылатын заңнама нормаларын сақтауға міндеттенеді. Пайдаланушы осы Келісімді орындауға байланысты лауазымды немесе өзге де тұлғаларға заңсыз артықшылық алу мақсатында тікелей немесе жанама түрде қандай да бір ақша қаражатын, құндылықтарды немесе өзге де пайда ұсынбағанын, уәде етпегенін және бермегенін мәлімдейді және кепілдік береді, сондай-ақ осы тармақтың бұзылғаны туралы өзіне белгілі болса, Сайт әкімшілігін дереу хабардар етуге міндеттенеді. Осы тармақтың немесе Келісімнің 7.5-тармағының бұзылуы туралы негізделген күдіктер болған кезде, Сайт әкімшілігі тексеру аяқталғанға дейін Тапсырысты орындауды тоқтата тұруға, мұндай тексеруді өз бетінше немесе үшінші тұлғаларды тарта отырып жүргізуге, ал бұзушылық расталған жағдайда - Тапсырысты орындаудан бас тартуға және (немесе) Сайт әкімшілігіне қандай да бір айыппұл санкцияларын немесе залалды өтеу талаптарын қолданбай, мұндай Пайдаланушыға қызмет көрсетуді біржақты тәртіппен тоқтатуға құқылы. Тараптар осы тармақтың және 7.5-тармақтың сақталуын Келісімнің елеулі шарты деп таниды.

7.7.        Тараптар Келісім жасалғаннан кейін туындаған және Тараптардың еркіне байланысты емес еңсерілмейтін күш жағдайларынан (соғыс, дүлей апаттар, мемлекеттік органдардың актілері және т.б.) туындаса, осы Келісім бойынша міндеттемелерді орындамағаны үшін жауапкершіліктен босатылады. Мұндай жағдайларға сілтеме жасайтын Тарап бұл туралы екінші Тарапты дереу хабардар етуге міндетті.

8.             ҚҰПИЯЛЫЛЫҚ ЖӘНЕ ДЕРБЕС ДЕРЕКТЕРДІ ӨҢДЕУ

8.1.        Сайт әкімшілігі Пайдаланушыдан жеке мәліметтерді беруді сұратуы мүмкін. Берілген ақпарат тек интернет-дүкенде Тапсырысты өңдеу кезінде немесе Пайдаланушыға арнайы ақпаратқа қол жеткізуді беру үшін пайдаланылады. Пайдаланушы жеке мәліметтерді өзгерте, жаңарта немесе жоя алады.

8.2.        Тапсырысты несие карталары арқылы төлеу кезінде карта және оны ұстаушы туралы ақпарат банктің авторизациялық серверіне қорғалған түрде беріледі және Сайт әкімшілігіне немесе үшінші тұлғаларға берілмейді. Бұл ретте Сайт әкімшілігінің интернет-дүкеніне төлем туралы хабарламадан басқа ешқандай құпия ақпарат берілмейді.

8.3.        Осы Келісімнің шарттарын қабылдай отырып, Пайдаланушы Дербес деректер туралы Заңға сәйкес, еркін, өз еркімен және өз мүддесінде әрекет ете отырып, дербес деректерді жинауға, жазуға, жүйелеуге, жинақтауға, сақтауға, нақтылауға (жаңартуға, өзгертуге), алуға, пайдалануға, беруге (таратуға, ұсынуға, қол жеткізуге), иесіздендіруге, бұғаттауға, жоюға, сондай-ақ Қазақстан Республикасының заңнамасын ескере отырып, Пайдаланушының дербес деректерімен өзге де әрекеттерді жүзеге асыруға өз келісімін білдіреді.

8.4.        Сайт әкімшілігі Пайдаланушының дербес деректерін заңсыз қол жеткізуден немесе жария етуден қорғау үшін Қазақстан Республикасының заңнамасында көзделген барлық қажетті шараларды қолдануға міндеттенеді.

9.            ЖАУАПКЕРШІЛІКТІ ШЕКТЕУ

9.1.        Осы Келісім бойынша Тауарды сатып алу бөлігінде Пайдаланушыға Тауарды сату жөнінде өтеулі қызметтер көрсетілетіндіктен, Пайдаланушы мен Әкімшілік арасындағы тиісті қатынастарға Тұтынушылардың құқықтарын қорғау туралы Заңның қолданысы таралады.

9.2.        Пайдаланушы тіркелу кезінде көрсеткен электрондық пошта мекенжайы арқылы Сайт әкімшілігінен және оның серіктестерінен жарнамалық-ақпараттық хабарламалар алуға келіседі. Пайдаланушы кез келген уақытта тиісті хабарламада көрсетілген тәсілмен немесе Сайт әкімшілігіне тиісті хабарлама жіберу арқылы мұндай хабарламаларды алудан бас тартуға құқылы.

9.3.        Сайт әкімшілігінің Пайдаланушы алдындағы нақты Тапсырысқа байланысты міндеттемелер бойынша жиынтық жауапкершілігі, Тауардың кемшіліктері салдарынан Пайдаланушының (жеке тұлғаның) өміріне, денсаулығына және (немесе) мүлкіне келтірілген зиянды өтеу жағдайларын және Қазақстан Республикасының заңнамасы жауапкершілікті шектеуге тікелей тыйым салатын өзге де жағдайларды қоспағанда, осындай Тапсырыстың құнымен шектеледі. Сайт әкімшілігі, Қазақстан Республикасының тұтынушылардың құқықтарын қорғау туралы заңнамасында мұндай шектеуге жол берілмейтін жағдайларды қоспағанда, Пайдаланушыға айырылған пайданы және жанама залалдарды өтемейді.

10.          ПІКІРТАЛАСТАР МЕН ДАУЛАР

10.1.     Осы Келісім Қазақстан Республикасының заңнамасына сәйкес реттеледі және түсіндіріледі. Осы Келісімде реттелмеген мәселелер Қазақстан Республикасының заңнамасына сәйкес шешілуге жатады.

10.2.     Осы Келісімді орындауға байланысты кез келген дау немесе келіспеушіліктер туындаған жағдайда, Тараптар оларды келіссөздер арқылы шешеді, ал келісімге қол жеткізілмеген жағдайда - Қазақстан Республикасының заңнамасына сәйкес сот тәртібімен шешеді.

11.          ҚОРЫТЫНДЫ ЕРЕЖЕЛЕР

11.1.     Осы Келісім Пайдаланушының Сайтты пайдалануының бүкіл кезеңі ішінде қолданылады және нақты Пайдаланушыға қатысты оның бастамасы бойынша (Сайтты пайдалануды тоқтату арқылы) немесе Сайт әкімшілігінің бастамасы бойынша (Келісім шарттарын бұзғаны үшін Жеке кабинетті бұғаттау арқылы) бұзылуы мүмкін; бұл ретте бұзу Офертаның өзін қозғамайды, ол өзге тұлғаларға қатысты қолданыла береді. Әрбір жеке Тапсырысқа қатысты осы Келісім Тараптар осындай Тапсырыс бойынша міндеттемелерді толық орындағанға дейін немесе Қазақстан Республикасының заңнамасында немесе осы Келісімде көзделген негіздер бойынша ол тоқтатылғанға дейін қолданылады, және мұндай тоқтату Тараптарды бұрын ресімделген Тапсырыстар бойынша міндеттемелерден босатпайды.

11.2.     Сайт әкімшілігі кез келген уақытта Сайтта жаңа редакцияны жариялау арқылы осы Келісімнің шарттарын біржақты тәртіппен өзгертуге құқылы, ол жарияланған сәттен бастап күшіне енеді, бұл ретте мұндай өзгерістер Қазақстан Республикасының заңнамасында белгіленген Пайдаланушының құқықтарын бұзбауға және шектемеуге тиіс. Пайдаланушы Келісімнің қолданыстағы редакциясын өз бетінше және тұрақты түрде қадағалауға міндеттенеді; жаңа редакция күшіне енгеннен кейін Сайтты пайдалануды жалғастыру Пайдаланушының өзгертілген шарттармен келісетінін білдіреді.

11.3.     Осы Келісім Тараптардың қағаз тасығышта бірыңғай құжат жасамай және қол қоймай, Пайдаланушының осы Офертаның шарттарын Келісімнің 1.4-тармағында көзделген тәсілдермен акцептеуі арқылы электрондық нысанда жасалады. Қазақстан Республикасы Азаматтық кодексінің 152-бабының 1-1-тармағына сәйкес, мәміленің жазбаша нысаны электрондық нысанда жасалуы мүмкін; субъектілерді және олардың еркін білдіру мазмұнын айқындайтын электрондық құжаттар мен электрондық хабарламалар алмасу мәмілені жазбаша нысанда жасаумен теңестіріледі. Осы Келісім және Пайдаланушының оны электрондық нысанда акцептеуі қағаз тасығышта жазбаша нысанда жасалған шартпен тең заңдық күшке ие болады.

11.4.     Осы Келісімде көзделмеген жауапкершілік шаралары Тараптармен Қазақстан Республикасының заңнамасына сәйкес қолданылады.

11.5.     Соттың осы Келісімнің қандай да бір жеке ережесін жарамсыз деп тануы оның қалған ережелерінің жарамсыздығына әкелмейді, олар толық көлемде күшінде қалады.

11.6.     Осы Келісім Сайтта қазақ, орыс және ағылшын тілдерінде орналастырылған. Тіл туралы Заңның 5-бабына сәйкес, орыс тілі мемлекеттік қазақ тілімен қатар ресми түрде қолданылады. Тараптар осы Келісімнің орыс тіліндегі мәтінін түсіндіру мақсаттары үшін бақылаушы мәтін деп таниды; мәтіндер арасында алшақтықтар болған жағдайда, орыс тіліндегі мәтін басым болады.

Сайт әкімшілігінің деректемелері

«VILED FASHION» (ВИЛЕД ФЕШН) ЖШС

БСН 090740001544

Заңды мекенжайы: Қазақстан Республикасы, Алматы қаласы, 050059, Самал-2 шағын ауданы, 67-үй.

Тел.: +7 (700) 000 27 27